KC: 罵得好！罵得有理！擲地有声！

嘉偉

記協及港大校友關注組呢兩個反對派組織，口口聲聲話共產黨專制、獨裁，打壓人權、言論及新聞自由、一言堂云云！

但佢哋而家做緊嘅嘢同以前共產黨做嘅嘢並冇分別，甚至猶有過之，咁你哋仲有乜資格話共產黨呢？

....妄想以後所有社會爭議繞過法院，以輿論公審治港，達到順我者生，逆我者死之地步！

此舉比文革時期嘅紅衛兵更不堪，不守法、不尊重司法，更不談道德，就係呢班人嘅真實寫照！

人無恥便無敵！

港大副校長任命風波並未因前法律學院院長陳文敏被否決而落幕，近日更爆出9月29日校委會議上，兩名校委李國章及紀文鳳嘅講話錄音，商台取得有關錄音後，透過大氣電波播出街！

港大已就洩密事件報警求助，更向法庭申請禁制令，禁止商台繼續披露被洩密嘅校委會會議內容錄音！

記協及港大校友關注組竟然批評此舉有損新聞自由！

由此可見，人無恥便無敵呢句說話完全可以形容呢兩個反對派組織，為咗護短，已經去到不可理喻、走火入魔嘅地步！

首先，盗錄已經違反基本道德，視保密協議如無物，洩密者應受嚴厲處分，傳媒公開披露被盜資料更加違反傳媒專業操守，以後偷拍偷錄豈不是變成毫無底線，想拍就拍，想錄就錄，可以任意妄為？

新聞自由唔係咁用嘅，係唔包括侵權盜竊，請唔好顛倒是非，混淆黑白！

其次，記協及港大校友關注組似乎以為自己高過法庭，以言論及新聞自由凌駕於法庭之上，妖言惑眾，轉移視線，為洩密者開脱，咁樣係唔尊重法律之餘，仲想以一己之意横行霸道，妄想以後所有社會爭議繞過法院，以輿論公審治港，達到順我者生，逆我者死之地步，此舉比文革時期嘅紅衛兵更不堪，不守法、不尊重司法，更不談道德，就係呢班人嘅真實寫照！

記協及港大校友關注組呢兩個反對派組織，口口聲聲話共產黨專制、獨裁，打壓人權、言論及新聞自由、一言堂云云！

但佢哋而家做緊嘅嘢同以前共產黨做嘅嘢並冇分別，甚至猶有過之！

咁你哋仲有乜資格話共產黨呢？

仲有，正如屈穎妍小姐話齋，年輕人不懂世情，衝動犯錯唔出奇，但記協同港大校友關注組等專業人士及知識分子不但冇糾正馮敬恩嘅錯誤，反而包庇護短，力撐馮敬恩爆料有理！

今次校委發言被錄音事件仲離譜，港大法律學者張達明話不涉及刑事，報警浪費警力！

會計界立法會議員梁繼昌更加話要提出修例，保障洩密者。

嘩，真係不知所謂，必須要清楚一點，大學校委會會議唔係一般公司會議，有部分校委係政府委任，屬於公職人員，而事前各校委清楚明白保密協議嘅重要性並承諾遵守，但有人出爾反爾，先爆料後錄音，此舉不但違反保密協議，更加侵犯校委私隱，分分鐘涉及公職人員行為失當罪，咁叫不涉及刑事？報警浪費警力？

張達明，你讀乜嘢法律？

明眼人都知係一個非常嚴重嘅問題啦，仲要死撐？

梁繼昌仲低能，修例保護洩密者？

你係思覺失調定係詐傻扮懵？

犯法就係犯法，絕對不能以似是而非嘅理由為犯罪者開脱，年輕人犯錯唔係最衰，背後嘅專業人士同知識分子姑息養奸，包庇護短先係最恐怖，難怪咁多年輕人及無知婦孺誤入歧途，就係呢班專業人士及知識分子間接造成！

記協及港大校友關注組等反對派組織及一眾頭目為咗達到不可告人嘅政治目的，不擇手段，盲目護短，活生生體現了人無恥便無敵呢句說話！

KC: 罵得好！罵得有理！擲地有声！