KC: 有趣的嘲諷！

HK G  PAO  隻抽俠               

今時今日香港地，「人怕出名豬怕肥」這句話out了。豬肥不肥，夠鐘就要入屠房，養多日都嘥錢。

至於人，出咗名，幾臭都好，都變成求之不得！所以陳文敏、馮敬恩大把機會「前程似錦」？

有冇可能？黃傘中人最叻是自我麻醉，推出一大堆歪理，配合黃報網上落「重料」宣傳，然後飄飄然信晒，大有希特拉、侯賽因兵臨城下，還信勝利在手之餘風。

佢哋有冇可能前程似錦？如果母豬會上樹，有乜冇可能？

例如人家英女王頒成堆榮譽英王御用大律師時(Queen’s Counsel honoris causa)，香港才得單天保至尊陳文敏一個，你話佢「勁唔勁」？

唉，一直殖民地思想崇洋者才會當英國二三流學者做寶，所以才有香港買錯馬「入錯貨」發 生，唯有希望英國大學也對我們的「黃色學者」另眼相看！

陳奇貨可居，將任劍橋院長，牛津校長？

連奧巴馬都開始崇中了，話2020年要教出一百萬個識普通話嘅美國人。

日本最風光時，買起半個紐約的大廈時，都唔知美國有幾多萬個識日文的美國佬？

英國永遠跟大佬走，有可能輪到英國大學都中國化，求才若渴，「講唔定」咁出名嘅香港唯一榮譽資深大律師陳文敏變成奇貨可居，有運行！

最緊要陳日君晚晚祈禱，等夢想成真，劍橋要「求」陳教授屈就，再作馮婦，差差地做佢哋嘅法律院長？

咁肥彭都冇博士學位，咪又做咗牛津大學 chancellor！

話唔定肥彭會畀面黃傘泛民咁支持，推薦陳碩士文敏做繼任人？

一有此可能，陳文敏千萬不要胡亂接job了，二三流英國大學的校長副校 長聘書雖多，要小心揀擇了。

哼，到時睇吓港大校委會後不後悔走寶？

馮誠信破產，必成二五翹楚，黃道精英！

至於馮敬恩會長，雖則港大生，但一如眾校委所指，英文差，聽錯晒，人哋都唔係咁講，佢自己亂作！

冇計啦，差就係英文差，但佢冇唔認喎。鬼叫港大收佢咩？不過香港仔咁醒，兵來將擋吧！

英文差？咪做份唔使用英文嘅工囉！

返唔到大陸？咪做啲唔使去內地嘅工囉！

冇誠信？咪搵份唔使誠信嘅工囉！

吓，乜有工係唔需要誠信嗎？當然有啦，王晶願望未必成真！

香港傳統黑白二道多加一個黃道，最多是哪種人？當然係二五仔啦。

話唔定大佬們會搞個「二五仔大聯盟」，然後全球化，變成WFO25 (World Federation of 25s)。

到時一睇CV，馮敬恩既是大學生，「冇誠信」這一項quali簡直爆燈，聽三成當十足，唔知就作，以佢咁嘅 credential，二五仔秘書長 (Secretary General) 一職捨馮同學誰屬？

你話陳教授和馮同學，係咪前程似錦？所以佢哋驚都未驚過！

到時發生咗，大家千祈唔好妒忌，須知各有前因莫羡人！

KC: 有趣的嘲諷！