平叔！你好嘢！

讀番書嘅田二少，日前嘲笑立法會議員英文水皮，笑言如果立法會用英文發言，好多平日口若懸河嘅議員即時被廢武功，係防止拉布絕招咁話。田二少身為哈佛高材生，當然夠資格笑人哋英文差，但係英文強，可能中文弱，二少噚日就喺議事廳內，俾主席曾鈺成當眾指正中文，可以話剃人頭者，人亦剃其頭。

「蒐集」讀錯「餽集」

二少提問虐待動物問題，質問當局在情報「蒐集」方面做過乜，「蒐集」佢讀做「餽集」。曾經教過好多年書，多次指正議員錯誤讀音嘅曾鈺成又再職業病發，即刻提醒二少，「蒐集」應讀做「收集」。二少原本仲想拗自己無錯，但好快就醒水自已未夠班同曾鈺成鬥中文，只好乖乖收聲。
根據字典，蒐與搜同，粵音的確讀做收，相信唔少人同二少一樣讀錯。不過二少曾經做過語文教育及研究常務委員會主席，負責推廣兩文三語，俾人當眾捉錯字，都咪話唔瘀爆。

 

KC: 田少讀錯！相信好多人都會讀錯！

 

學嘢啦！咪死撐嘞！