KC: 信反民D歪理至傻

施友朋

泛民激進派反對二○一七年嘅政改方案，已去到一個完全不可理喻嘅地步。日前林鄭月娥出席中學校際辯論比賽擔任頒獎嘉賓時，遇到激進泛民在會場搗亂，高舉黃傘、標語、掟紙球、企圖衝至林鄭座位……

示威者無視場合，一味叫囂擲嘢擾亂大會程序，同學原本高高興興的來領獎及聆聽評判寶貴意見，從而有所得着，如今卻被激進泛民騎劫，同學無奈掃興，老師亦感無助冇癮！政改方案得唔得仍是未知之數，而香港社會的政治爭拗、無理嘶叫，令整個社會動盪不安則是事實。

一眾激進泛民已完全失去理性，胡適說：容忍比自由更重要，沒有容忍，就不會有自由。激進泛民睇乜鬼都唔順眼，主要源於佢哋只信自己所信的就是絕對真理！既沒有容忍嘅雅意，思想行為焉能不偏激，漸漸變成社會撕裂嘅根源。

一些一知半解嘅「袋住先」就係「袋一世」，就係「對下一代造成傷害」嘅無知言論，經常在狙擊高官落區時出現，而另一個「娶妻喻政改」亦不倫不類；其實娶老婆，阿媽幫你揀，或昔日之盲婚啞嫁，亦不代表沒有幸福婚姻，何況即使娶到范冰冰、鍾嘉欣亦不代表就可幸福一世。

有 個例子話一個姑娘婚前突然發現男友鍾意偷食，而且一而再，再而三，佢話畀阿媽聽唔想嫁住。阿媽就話嘞：帖都印埋，豈不令人笑話！於是姑娘無奈嫁了，一個月 後懷孕，兩個月後鬧離婚，半年後走出圍城，十個月後成為單親媽媽。於是一眾姨媽姑姐就慷慨陳情：點解當初寧願接受一個悲劇合理地發生，卻不能明智地選擇不 讓它發生！

然而，有誰可以肯定，姑娘理智地不嫁了，就沒有可能遇上一個更不堪嘅賤男人渣？「袋住先」就害死下一代，言重了！吾不信也！

KC: 信反民D歪理至傻！