KC: 港台偏頗, 眾所周知！

東方功夫茶

網上有個謎語係咁嘅，「狗不咬主人，但有一人例外，他是誰？」嗱，如果你答呂洞賓，咁就Out喇，家陣嘅標準答案係港府。點解咁講？好簡單，港府花費大量公帑供養香港電台，但港台偏偏日日同港府唱反調，咁仲唔係養狗咬主人！

唔係亂噏o架，香港畀佔領鬧劇搞到七國咁亂，烏煙瘴氣，作為公營電台，港台本應宣傳正面訊息，協助港府盡快平息亂局，恢復社會秩序，點知事實啱啱相反，港台唔止冇盡到公營電台嘅本分，反而唯恐天下不亂，電台節目又好，電視節目都好，幾乎一面倒幫反對派說話，仲涉嫌鼓吹違法佔中，添煩添亂，問你服未。

港台嘅所作所為，引起民意強烈不滿，連日來有大批市民到港台抗議。抗議人士力數港台「三宗罪」，包括涉嫌呼籲市民參與違法佔中，節目邀請反對派嘉賓比例遠多於建制派，以及主持人有傾向性立場，要求立法會嚴正跟進事件。有抗議人士係咁講嘅，佢經常致電港台烽煙節目，希望表達支持政府嘅言論，點知次次都畀人cut線。

真係冇講錯o架，港台打着編輯自主旗號，其實係打造獨立王國，為所欲為，吃裏扒外，日日鬧政府不特止，仲變成反對派喉舌添。好似《城市論壇》咁吖，主持人唔止經常偏幫反對派嘉賓，仲周不時加把口鬧埋建制派；又好似部分電視節目咁，以醜化高官為樂，肉麻當有趣，唔怪得被人批評「陰陽怪氣」喇。

話時話，港台營運開支一年高於一年，下年度預算開支達七億八千多萬元，按年上升百分之七點一，使錢唔少o架。咁都算嘞，港台管理混亂，黑箱作業，搞到醜聞多多，烏龍百出，曾被審計署狠批，咁先至醜怪吖。

正所謂，蠹眾而木折，隙大而牆壞。港台烏煙瘴氣，帳目不清，自己唔好好反省，仲大貪到想興建被稱為「貴價勞斯萊斯」嘅新大樓，預算費用高達六十億元，仲貴過政府總部多多聲，結果引起社會嘩然，群情洶湧，連立法會都唔敢開放綠燈，簡直唔衰攞嚟衰。

一句講晒，港府養狗咬主人，貼錢買難受，天下間邊有咁戇居嘅事o架。計功夫茶話齋，家陣資訊發達，廣播節目愈來愈多，港台仲有冇必要存在令人懷疑，與其繼續浪費公帑製造噪音，不如摺咗佢耳根清淨，係咪！

唔係亂噏o架，香港畀佔領鬧劇搞到七國咁亂，烏煙瘴氣，作為公營電台，港台本應宣傳正面訊息，協助港府盡快平息亂局，恢復社會秩序，點知事實啱啱相反，港台唔止冇盡到公營電台嘅本分，反而唯恐天下不亂，電台節目又好，電視節目都好，幾乎一面倒幫反對派說話，仲涉嫌鼓吹違法佔中，添煩添亂，問你服未。

港台嘅所作所為，引起民意強烈不滿，連日來有大批市民到港台抗議。抗議人士力數港台「三宗罪」，包括涉嫌呼籲市民參與違法佔中，節目邀請反對派嘉賓比例遠多於建制派，以及主持人有傾向性立場，要求立法會嚴正跟進事件。有抗議人士係咁講嘅，佢經常致電港台烽煙節目，希望表達支持政府嘅言論，點知次次都畀人cut線。

真係冇講錯o架，港台打着編輯自主旗號，其實係打造獨立王國，為所欲為，吃裏扒外，日日鬧政府不特止，仲變成反對派喉舌添。好似《城市論壇》咁吖，主持人唔止經常偏幫反對派嘉賓，仲周不時加把口鬧埋建制派；又好似部分電視節目咁，以醜化高官為樂，肉麻當有趣，唔怪得被人批評「陰陽怪氣」喇。

話時話，港台營運開支一年高於一年，下年度預算開支達七億八千多萬元，按年上升百分之七點一，使錢唔少o架。咁都算嘞，港台管理混亂，黑箱作業，搞到醜聞多多，烏龍百出，曾被審計署狠批，咁先至醜怪吖。

正所謂，蠹眾而木折，隙大而牆壞。港台烏煙瘴氣，帳目不清，自己唔好好反省，仲大貪到想興建被稱為「貴價勞斯萊斯」嘅新大樓，預算費用高達六十億元，仲貴過政府總部多多聲，結果引起社會嘩然，群情洶湧，連立法會都唔敢開放綠燈，簡直唔衰攞嚟衰。

一句講晒，港府養狗咬主人，貼錢買難受，天下間邊有咁戇居嘅事o架。計功夫茶話齋，家陣資訊發達，廣播節目愈來愈多，港台仲有冇必要存在令人懷疑，與其繼續浪費公帑製造噪音，不如摺咗佢耳根清淨，係咪！

KC: 港台偏頗, 眾所周知！