KC: 靠激進只會係死路一條！

施友朋

香港未來嘅日子，恐怕不會好過，除了政改爭拗雞同鴨講，「無力回天空嗟嘆」！

而政府即使打定輸數，表明若政改被否決，今後將精力放在改善民生、發展經濟 上，講就易，可實際行動起來，困難重重，淨係應付激進泛民立法會日日拉布，民生議題完全放埋一邊，香港市民點會有好日子過啊！

韓寒曾經話，如果魯迅活到現在，愈激進嘅人有時候愈守舊，魯迅很可能不會用電腦和上網，和人家打筆仗嘅時候，依然在《收穫》上以月經的模式發表文章，貽誤戰機，被人嘲笑。

香 港如今從經濟城市變成「政治城市」，經濟民生空轉，本來靠龐大嘅水貨客養起嘅零售、批發行業，今因為內地大幅調低部分進口消費品關稅，尤其係化妝品、紙尿 片、奶粉呢類熱門貨品稅收減低一半，你話今後又怎會再出現螞蟻搬家式嘅鳩嗚兵團啊？香港嘅零售、批發就咁被內地快狠準一招減關稅打殘，若以「月經嘅模式」 出貨，欲追回昔日狂風掃落葉式嘅螞蟻搬家團，豈不是癡人說夢？諗起都幾搞笑。

所以話，只要中央稍一出手，香港根本就冇運行！當「一國」唔係嘢，香港便只能自吃苦果也！此老朽常強調港人要分清「魚水關係」，一國是水，兩制是魚，一國離開兩制依然是水，而「兩制」離開水，活不成也。

春 秋時期，晉文公問大臣郭偃治國之道，郭偃說：「君以為易，其難也將至矣；君以為難，其易也將至焉。」意思是說：主公以為事情易解決，做起來卻愈來愈難，反 之以為好難，只要做下去，慢慢也就很容易了！看起來很玄，實有至理焉，天下事哪有一步到位的？

香港未來，靠激進只會係死路一條！

慢慢來，若然「袋住先」而 能開創新局，令香港民主向前邁進一步，有乜唔好呢？

KC: 靠激進只會係死路一條！