商業電台突然宣布解僱時事節目主持人李慧玲，前晚李慧玲原本就話要「整理」吓先至再向公眾交代事件。佢尋日下午終於「整理」完見傳媒喇！
大家以為佢會爆大鑊啦，原來只係又喊又呻，呢頭話公司過問佢嘅的士費，嗰頭又話公司唔肯畀錢請嘉賓主持，呻到樹葉都落埋！
講到底都係啲雞毛蒜皮嘅嘢。其實每間公司都有制度，商台內部已經立立亂，唔通李慧玲要無王管先滿意？
李慧玲尋日高調開記者會，一大班傳媒諗住聽佢爆料，點知佢就只係不斷呻自己同啱啱轉任商台首席智囊嘅陳志雲嘅恩恩怨怨。
李慧玲話，自從去年十月起，陳志雲就對佢吹毛求疵，日日攞住本「拍子簿」捉佢錯處，一時話佢喺節目中講錯公司名、人名、用字等，一時又話佢對啲節目嘉賓「chur（追問）得太盡」咁話。
之後佢仲繼續講埋啲連佢自己都形容係「小學雞」嘅嘢，包括陳志雲要求佢要喺會議室同同事開會、過問佢嘅的士費，以及接受傳媒訪問要公司書面同意等。
陳志雲：解僱與續牌無關
陳志雲就話，解僱李慧玲並非係早前節目調動時就決定，又強調商台續牌程序仲未開始，亦冇人同佢講過李慧玲嘅言論會影響商台續牌，李被炒魷魚同商台續牌無關喎。
KC: 呢單嘢分明是私人恩怨！
上升到言論自由！新聞自由！
政府打壓！什么續牌跪低！
簡直荒Q謬！
沒有留言:
張貼留言